Partekatu edukia
Nafarroako Arartekoak RNEren Mediodía Navarra programan parte hartu du erakundearen funtzioa azaltzeko eta pertsona guztien zerbitzura dagoela gogorarazteko.
Patxi Verak gogorarazi du Arartekoa eskubideak eta askatasunak babesteko eta hobetzeko Parlamentuaren ordezkaria dela. Era berean, erakundearen lan-dinamika azaldu du: «pertsonek administrazioei dagokienez dituzten kexak eta arazoak jasotzen ditugu, prozesuan laguntzen ditugu eta haien izenean borrokatzen dugu Administrazioa bidezkoagoa izan dadin edo akatsak zuzen ditzan». Arartekora jo dezake pertsona natural zein juridiko orok, «eta administrazio-egoera irregularrean daudenek ere, baita adingabeak ere, tutorea ez baita beharrezkoa zuzenean erakundearekin harremanetan jartzeko».
Kexak telematikoki edo aurrez aurre aurkez daitezke. Erakundeak web-inprimakia eta aurretiko hitzordurik gabeko zuzeneko arreta ditu. Horretarako, Iruñeko Emilio Arrieta kaleko 12. zenbakian dagoen egoitzara jo dezakegu.
Kexa jaso ondoren, Arartekoak informazioa eskatzen dio eragindako administrazioari, kasua aztertzen du eta ebazpena ematen du. Gomendioak, iradokizunak edo lege-gogorarazpenak egin ditzake. Administrazioak ez badu ebazpena onartzen, kasua Arartekoak Nafarroako Parlamentuan aurkeztuko duen urteko txostenean jasoko da. Iaz seiehun espediente baino gehiago ebatzi ziren herritarren alde.
Partekatu edukia