Instituzioaren kudeaketarekin erlazionatutako ebazpenak

49/25 EBAZPENA, abenduaren 31koa, Nafarroako Arartekoarena, Nafarroako Arartekoaren erakundeko langileentzako 2026. urteko lan egutegia onartzen duena.

Ikusi da Kudeaketako teknikariaren txostena eta aintzat hartu dira honako arau hauek:

• 78/2025 Foru Agindua, abenduaren 9koa, Barneko, Funtzio Publikoko eta Justiziako kontseilariak emana, zeinaren bidez onesten baita Nafarroako Foru Komunitateko Administrazioaren eta haren erakunde autonomoen zerbitzuko langileen 2026ko lan egutegia;
• 390/2025 Ebazpena, ekainaren 5ekoa, Ekonomia Sozialaren eta Lanaren zuzendari nagusiak emana, Nafarroako Foru Komunitatearen esparruan ordaindu bai baina errekuperatu behar ez diren 2026ko jaiegunen egutegi ofiziala ezartzen duena;
• 682/2025 Ebazpena, azaroaren 17koa, Ekonomia Sozialaren eta Lanaren zuzendari nagusiak emana, zeinaren bidez zehazten baitira ordaindu bai baina errekuperatu behar ez diren 2026ko jaiegunak, Nafarroako Foru Komunitatearen esparrurako;
• eta Nafarroako Parlamentuko ordezkarien eta Nafarroako Parlamentuko funtzionarioen Langileen Batzordearen arteko akordioa, 2017tik 2019ra bitartekoa, Nafarroako Parlamentuko Mahaiak 2017ko abenduaren 28ko bilkuran onetsia,

HAU EBAZTEN DUT:

Lehenengoa. Onestea Nafarroako Arartekoaren erakundeko langileentzako 2026. urteko jaiegunen egutegia; hau izango da:

• Urtarrilaren 1a: Urteberri eguna
• Urtarrilaren 6a: Errege eguna
• Martxoaren 19a: San Jose
• Apirilaren 2a: Ostegun Santua
• Apirilaren 3a: Ostiral Santua
• Apirilaren 6a: Pazko bigarrena
• Maiatzaren 1a: Langilearen Eguna
• Uztailaren 6a, 7a, eta 8a: San Fermin jaiak
• Abuztuaren 15a: Ama Birjinaren Jasokundea
• Urriaren 12a: Espainiako Jai Nazionala
• Azaroaren 2a: Santu Guztien Egunaren hurrengo eguna
• Azaroaren 30a: Done Saturdiren hurrengo eguna
• Abenduaren 3a: San Frantzisko Xabierkoa
• Abenduaren 8a: Ama Birjina Sortzez Garbia
• Abenduaren 25a: Eguberri eguna

Bigarrena. Hau izanen da ohiko lanaldia:

Urtarrilaren 1etik ekainaren 14ra eta irailaren 15etik abenduaren 31ra:

• Astean bi egunetan, astelehenetik ostegunera: lanaldi jarraitua, 8:00etatik 15:00etara.
• Astean bi egunetan, astelehenetik ostegunera: lanaldi zatitua, 8:00etatik 14:00etara eta 16:00etatik 18:00etara.
• Ostiraletan: lanaldi jarraitua, 8:00etatik 14:45etara.

Ekainaren 15etik irailaren 14ra:

• Lanaldi jarraitua, 8:00etatik 15:00etara.

Hirugarrena. 2026. urteko epeak zenbatze aldera, egun baliogabeak izanen dira , larunbatak, igandeak eta Nafarroako Foru Komunitaterako eta Iruñerako ezarritako jaiegunak.

Laugarrena. Ebazpen honen berri ematea instituzioaren langileriari.

Iruñea, 2025eko abenduaren 31.